ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

BREAKING NEWS: អ៊ុក ទូច ត្រូវបានកម្លាំងសមត្ថកិច្ចអាមេរិកចុះដល់ផ្ទះដើម្បីសួរចម្លើយ

  • ចុះផ្សាយថ្ងៃទី២១ ខែឧសភា ឆ្នាំ២០២២ ម៉ោង ១២:២០ នាទី ដោយ Hun Sirivadh
  • 2751
  Aa |   aA

ភ្នំពេញ៖ បុរសខ្មែរសញ្ជាតិអាមេរិកាំងលោក អ៊ុក ទូច កាលពីថ្ងៃព្រហស្បតិ៍ទី១៩ ខែឧសភា ត្រូវបានកម្លាំងសមត្ថកិច្ចសម្ងាត់អាមេរិកចំនួន ៣នាក់ (ប្រុស២ ស្រី១) បានចុះទៅដល់ផ្ទះដើម្បីសួរចម្លើយករណីគប់ស្បែកជើងលើនាយករដ្ឋមន្ត្រីកម្ពុជា សម្ដេចតេជោ ហ៊ុន សែន កាលពីថ្ងៃទី១១ ខែឧសភា ឆ្នាំ២០២២។ នេះបើតាមការបង្ហោះក្នុងបណ្ដាញសង្គមហ្វេសបុករបស់អនិជនខ្មែរនៅសហរដ្ឋអាមេរិកលោក អ៊ុក ចន្ថា នៅព្រឹកថ្ងៃសៅរ៍ទី២១ ខែឧសភានេះ។ 

បើតាមលោក អ៊ុក ចន្ថា បានឱ្យដឹងថា៖ «សមត្ថកិច្ចអាមេរិកបានបញ្ជាក់ថា លោក អ៊ុក ទូច អាចឡើងតុលាការដើម្បីកាត់ទោស សំណុំរឿងនេះគឺត្រូវបញ្ជូនទៅកាត់ទោសនៅតុលាការរដ្ឋធានីវ៉ាស៊ីនតោន ឌីស៊ី ជាទីកន្លែងប្រព្រិត្តិបទល្មើសជាក់ស្តែង»។

អ្នកនាំពាក្យស្ថានទូតអាមេរិកបានប្រាប់មក EAC News កាលពីថ្ងៃព្រហស្បតិ៍ទី១៩ ខែឧសភា ថាសហរដ្ឋអាមេរិកកំពុងធ្វើការស៊ើបអង្កេតទៅលើករណីហេតុការណ៍គប់ស្បែកជើងដែលប្រព្រឹត្តដោយលោក អ៊ុក ទូច តម្រង់មកលើនាយករដ្ឋមន្ត្រី ហ៊ុន សែន កាលពីថ្ងៃទី១១ ខែឧសភា ឆ្នាំ២០២២ នៅរដ្ឋធានីវ៉ាស៊ីនតោន។

ក្នុងសារអេឡិចត្រូនិកដែលឆ្លើយតបមកកាន់ EAC អ្នកនាំពាក្យស្ថានទូតអាមេរិកប្រចាំកម្ពុជា លោក Chad Roedemeierបានឱ្យដឹងថាទាក់ទងជាមួយនឹងឧប្បត្តិហេតុនៅថ្ងៃទី១១ ខែឧសភា សហរដ្ឋអាមេរិកនឹងបើកការស៊ើបអង្កេតដោយហ្មត់ចត់តាមច្បាប់របស់ខ្លួន។

លោក Chad ឆ្លើយថា៖ «ទាក់ទងទៅនឹងហេតុការណ៍ដែលបានកើតឡើងកាលពីថ្ងៃទី១១ ខែឧសភា កន្លងទៅ ក្រុមការងារអនុវត្តច្បាប់របស់សហរដ្ឋអាមេរិកកំពុងស៊ើបអង្កេតលើរឿងនេះ។ វានឹងត្រូវតាមដានដោយហ្មត់ចត់ស្របតាមផ្លូវច្បាប់របស់សហរដ្ឋអាមេរិក»។

លោក Chad ក៏បានបន្ថែមថា សហរដ្ឋអាមេរិកយកចិត្តទុកដាក់លើសុវត្ថិភាព និងសន្តិសុខរបស់អ្នកការទូត និងឥស្សរជនដែលមកទស្សនកិច្ចនៅអាមេរិកយ៉ាងយកចិត្តទុកដាក់បំផុត។

ការបញ្ជាក់របស់ស្ថានតំណាងអាមេរិកប្រចាំកម្ពុជានៅពេលនេះគឺតែប៉ុន្មានថ្ងៃប៉ុណ្ណោះបន្ទាប់ពីនាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្នើដល់សហអាមេរិកបកស្រាយចំពោះករណីគប់ស្បែកជើងមកលើថ្នាក់ដឹកនាំមួយ ថាតើវាជាសិទ្ធិបញ្ចេញមតិឬអំពើហិង្សា៕ 


ព័ត៌មានជាច្រើនទៀតសម្រាប់អ្នក